ഓക്സിജൻI കവിത Iരാജു.കാഞ്ഞിരങ്ങാട്

 

ഓക്സിജൻ

മാസ്ക ധരിച്ചാണ് നടന്നത്

മോശമൊന്നും പറയിച്ചിട്ടില്ല

അകലം ആവശ്യത്തിന് പാലിച്ചു

ഓക്സിജൻ മാസ്കിന് ക്യൂവി -

ലാണിപ്പോൾ

പെരുവഴിയിലായ ഒരു പ്രാണൻ,

ഓടകളിൽ, ഒഴിഞ്ഞയിടങ്ങളിൽ ,-

ആൾക്കൂട്ടത്തിൽ

കരയിൽ പിടച്ചിട്ട മത്സ്യത്തെപ്പോലെ

പിടയുന്ന പ്രാണനെ കണ്ടു പോലും

വായുവിൻ്റെ കരയിൽ വായുവിനായ് -

പിടയുന്ന

മത്സ്യമാണിന്ന് മനുഷ്യൻ

മരിച്ചു വീഴുന്ന മനുഷ്യനായി

മത്സരത്തിലാണ് മരുന്നു കമ്പനികൾ

ഒന്ന്

രണ്ട്

മൂന്ന്

വരിനിന്നവർ വീണടിയുന്നു മണ്ണിൽ

ഒഴിഞ്ഞ ഓക്സിജൻ മാസ്കുകൾ

അവസാനമായൊരു നെടുവീർപ്പിടുന്നു