സാമ്പത്തിക പ്രതിസന്ധി മൂലം അടച്ചുപൂട്ടിയ സിലിക്കണ്‍ വാലി ബാങ്ക് എഫ്ഡിഐ ഏറ്റെടുക്കും
ഒരാഴ്ച വ്യത്യാസത്തില്‍ അമേരിക്കയിലെ രണ്ടു ബാങ്കുകൾ തകർന്നത് ആഗോള തലത്തിൽ ആശങ്ക ഉയർത്തിയിരുന്നു.
2008 ലെ സാമ്പത്തിക പ്രതിസന്ധിക്ക് ശേഷമുള്ള ഏറ്റവും വലിയ തകര്‍ച്ചയായിരുന്നു അമേരിക്കയിലെ സ്റ്റാര്‍ട്ട് അപ്പ് കേന്ദ്രീകൃത വായ്പാ ദാതാവായ സിലിക്കണ്‍ വാലി ബാങ്കിന്റേത്. ടെക് സ്റ്റാര്‍ട്ട് അപ്പുകളിലെ മാന്ദ്യത്തിന് പുറമെ പ്രതീക്ഷിച്ചതിലും അധികം നിക്ഷേപങ്ങള്‍ പിന്‍വലിക്കപ്പെട്ടതുമാണ് അമേരിക്കയിലെ ഏറ്റവും വലിയ ബാങ്കുകളിലൊന്നായ സിലിക്കണ്‍ വാലി ബാങ്കിന്റെ തകര്‍ച്ചയ്ക്ക് കാരണമായത്. പിന്നാലെ ഒരാഴ്ച വ്യത്യാസത്തില്‍ സിഗ്നേച്ചര്‍ ബാങ്കും അടച്ചു പൂട്ടേണ്ടി വന്നിരുന്നു. ഒരാഴ്ചക്കകം അമേരിക്കയിലെ രണ്ടു ബാങ്കുകൾ തകർന്നത് ആഗോള തലത്തിൽ ആശങ്ക ഉയർത്തിയിരുന്നു.
എന്നാൽ, സാമ്പത്തിക പ്രതിസന്ധി മൂലം അടച്ചുപൂട്ടിയ സിലിക്കണ്‍ വാലി ബാങ്ക് ഏറ്റെടുക്കാനൊരുങ്ങിയിരിക്കുകയാണ് ഫസ്റ്റ് സിറ്റിസണ്‍സ് ബാങ്ക്. അടച്ചു പൂട്ടിയ സിലിക്കണ്‍ വാലി ബാങ്കിന്റെ 17 ബ്രാഞ്ചുകളും തിങ്കളാഴ്ച മുതൽ ഫസ്റ്റ് സിറ്റിസണ്‍സ് ബാങ്കായി പ്രവര്‍ത്തനമാരംഭിക്കുമെന്ന് ഫെഡറല്‍ ഡെപ്പോസിറ്റ് ഇന്‍ഷുറന്‍സ് കോര്‍പറേഷന്‍ വ്യക്തമാക്കി. സിലിക്കണ്‍ വാലി ബാങ്കിന്റെ മുഴുവന്‍ നിക്ഷേപങ്ങളും വായ്പയും വാങ്ങാനും ഫസ്റ്റ് സിറ്റിസണ്‍സ് ബാങ്ക് തീരുമാനിച്ചു.
സിലിക്കണ്‍ വാലി ബാങ്കിന്റെ ബ്രാഞ്ചുകള്‍ ഫസ്റ്റ് സിറ്റിസണ്‍സ് ബാങ്കിന്റെ ഭാഗമായി തുറക്കുമെന്ന് വാര്‍ത്താക്കുറിപ്പിലൂടെ എഫ്ഡിഐസി (ഡെപ്പോസിറ്റ് ഇന്‍ഷുറന്‍സ് കോര്‍പ്പറേഷന്‍) വ്യക്തമാക്കി. സിലിക്കണ്‍ വാലി ബാങ്കിന്റെ തകര്‍ച്ചയുണ്ടാക്കിയ ആശങ്കയും പ്രതിസന്ധിയും ഇല്ലാതാക്കാനുള്ള ആദ്യ പടിയെന്നോണമാണ് ബാങ്ക് ഏറ്റെടുക്കാനുള്ള ഫസ്റ്റ് സിറ്റിസണ്‍സ് ബാങ്കിന്റെ തീരുമാനം.
രാഷ്ട്രീയ കിസാൻ സംഘ് നേതാവ് പി ടി ജോൺ സംസാരിക്കുന്നു.
ഗാന്ധിയെ തെളിഞ്ഞു കാണുന്ന കര്‍ഷക സമരം
ആക്ടിവിസ്റ്റ് ബി അരുന്ധതിയുമായി ഒരു സംഭാഷണം
നാടക ദ്വീപിലേക്ക് സ്വാഗതം | ശശിധരന്‍ നടുവില്‍
പ്രമുഖ നാടക പ്രവർത്തകനായ ശശിധരൻ നടുവിലുമായുള്ള സംഭാഷണം.
ആൺപോരിന്റെ അടുക്കള കാഴ്ചകൾ
സംവിധായകൻ ജിയോ ബേബിയുമായുള്ള അഭിമുഖം
